ஹாரி புரூக் விளாசிலில் இங்கிலாந்து அணி ஒருநாள் தொடரை வென்றது

இலங்கை – இங்​கிலாந்து அணி​கள் இடையிலான கடைசி மற்​றும் 3-வது ஒரு​நாள் கிரிக்​கெட் போட்டி கொழும்பு நகரில் உள்ள ஆர்​.பிரேம​தாசா மைதானத்​தில் நேற்று நடை​பெற்​றது. முதலில் பேட் செய்த இங்​கிலாந்து அணி 50 ஓவர்​களில் 3 விக்​கெட்​கள் இழப்புக்கு 357 ரன்​கள் குவித்​தது.

தொடக்க வீரர்​களான ரேஹான் அகமது 24, பென் டக்​கெட் 7 ரன்​களில் நடையை கட்​டினர். சீனியர் பேட்​ஸ்​மே​னான ஜோ ரூட், ஜேக்​கப் பெத்​தேல் ஜோடி சீராக ரன்​கள் சேர்த்து ஆட்​டத்தை முன்​னெடுத்​துச் சென்​றது. தனது 5-வது அரைசதத்தை கடந்த ஜேக்​கப் பெத்​தேல் 72 பந்​துகளில், 8 பவுண்​டரி​களு​டன் 65 ரன்​கள் எடுத்த நிலை​யில் ஜெப்ரே வான்​டேர்சே பந்​தில் ஆட்​ட​மிழந்​தார்.

இதையடுத்து களமிறங்​கிய கேப்​டன் ஹாரி புரூக் அதிரடியாக விளை​யாடி​னார். தனது 3-வது சதத்தை விளாசிய ஹாரி புரூக் 66 பந்​துகளில், 9 சிக்​ஸர்கள், 11 பவுண்​டரி​களு​டன் 136 ரன்​களும் பொறுமை​யாக விளையாடி தனது 20-வது சதத்தை கடந்த ஜோ ரூட் 108 பந்துகளில், ஒரு சிக்​ஸர், 9 பவுண்​டரி​களு​டன் 111 ரன்​களும் சேர்த்​தனர். இதைத் தொடர்ந்து 358 ரன்​கள் இலக்​குடன் பேட் செய்த இலங்கை அணி 46.4 ஓவர்களில் 304 ரன்களுக்கு ஆட்டமிழந்தது.

அதிகபட்சமா பவன் ரத்னாயகே 115 பந்துகளில், ஒரு சிக்ஸர், 12 பவுண்டரிகளுடன் 121 ரன்கள் விளாசினார். பதும் நிசங்கா 50, கமில் மிஷாரா 22, துனித் வெல்லாலகே 22 ரன்கள் சேர்த்தனர். இங்கிலாந்து அணி தரப்பில் ஜேமி ஓவர்டன், லியாம் டாவ்சன், வில் ஜேக்ஸ் 2, ஆதில் ரஷித் 2 விக்கெட்களை வீழ்த்தினர்.

53 ரன்கள் வித்தியாசத்தில் வெற்றி பெற்ற இங்கிலாந்து அணி 3 ஆட்டங்கள் கொண்ட டி 20 கிரிக்கெட் தொடரை 2-1 என்ற கணக்கில் கைப்பற்றி கோப்பையை வென்றது. ஆட்ட நாயகனாக ஹாரி புரூக் தேர்வானர். தொடர் நாயகன் விருதை ஜோ ரூட் வென்றார். அவர், இந்தத் தொடரில் 247 ரன்களையும், 2 விக்கெட்களையும் கைப்பற்றியிருந்தார்.

இந்த தோல்வியின் மூலம் இலங்கை அணி சொந்த மண்ணில் 5 வருடங்களுக்குப் பிறகு ஒருநாள் கிரிக்கெட் போட்டித் தொடரை இழந்துள்ளது.