சென்னை
நாகர்கோவிலில் உள்ள அய்யா பவுண்டேஷன் கிளப் சார்பில் மாநில அளவிலான வாலிபால் போட்டி நடைபெற்றது. இதில் எஸ்ஆர்எம் அறிவியல் மற்றும் தொழில்நுட்ப கல்லூரியைச் சேர்ந்த மகளிர் அணி தங்கப் பதக்கம் வென்றது. அந்த அணி 3 லீக் ஆட்டங்களிலும் வெற்றி பெற்று முதலிடம் பிடித்து அசத்தியது.
எஸ்ஆர்எம் அறிவியல் மற்றும் தொழில்நுட்ப கல்லூரி அணி தனது முதல் ஆட்டத்தில் 18-25, 25-17, 25-22 என்ற செட் கணக்கில் டாக்டர் சிவந்தி கிளப் அணியையும், 2-வது ஆட்டத்தில் 25-16, 25-16 என்ற செட் கணக்கில் மினி ஸ்போர்ட்ஸ் பவுண்டேஷன் அணியையும், கடைசி மற்றும் 3-வது லீக் ஆட்டத்தில் 23-25, 25-21, 25-19 என்ற செட் கணக்கில் தெற்கு ரயில்வே அணியையும் வீழ்த்தியது.
தெற்கு ரயில்வே அணிய 2-வது இடத்தையும், மினி ஸ்போர்ட்ஸ் அகாடமி 3-வது இடத்தையும், டாக்டர் சிவந்தி கிளப் 4-வது இடத்தையும் பிடித்தன.
