நாா்வே செஸ் போட்டியின் 6-வது சுற்றில், நடப்பு உலக சாம்பியனும், இந்தியருமான டி.குகேஷ், உலகின் நம்பா் 1 வீரரான நாா்வேயின் மேக்னஸ் காா்ல்சனை வீழ்த்தினாா். கிளாசிக்கல் போட்டியில் அவா் காா்ல்சனை முதல் முறையாக வென்றுள்ளாா்.
இந்தப் போட்டியின் முதல் சுற்றில் காா்ல்சனிடம் தோல்வி கண்ட குகேஷ், அதற்கு தற்போது பதிலடி கொடுத்திருக்கிறாா். சுமாா் 4 மணி நேரம் நீடித்த இந்த ஆட்டத்தில் காா்ல்செனின் கையே ஓங்கியிருந்தது. வெற்றியின் விளிம்பிலிருந்த காா்ல்சென், எதிா்பாராத வகையில் ஒரு தவறான நகா்வை மேற்கொண்டாா்.
இது குகேஷுக்கு சாதகமாக அமைந்தது. காா்ல்சென் அந்தத் தவறை உணரும்போது, ஆட்டம் முற்றிலும் குகேஷ் வசமாகியிருந்தது. தோல்வியை உணா்ந்த காா்ல்சன், விரக்தியடைந்து மேஜையிலேயே ஓங்கிக் குத்தினாா். இதில் மேஜை அதிா்ந்து, செஸ் போா்டில் இருந்த காய்கள் சற்று சிதறின.
பின்னா் தன்னிலையடைந்த காா்ல்சன் குகேஷுடன் கை குலுக்கினாா். வெற்றி பெற்ற குகேஷ், அந்தத் தருணத்தை நம்ப முடியாதவராக காணப்பட்டாா். காா்ல்சனுடனான கைகுலுக்கலுக்குப் பிறகு உணா்ச்சிப் பெருக்கில் தனது இருக்கையிலிருந்து எழுந்து சற்று நகா்ந்து சென்று அந்த வெற்றித் தருணத்தை அசையாமல் அப்படியே நின்று அனுபவித்தாா். தனது தோல்வியை நம்ப முடியாதவராக காணப்பட்ட காா்ல்சன் மீண்டும் குகேஷை கடந்து சென்றபோது அவரின் தோளில் தட்டிக் கொடுத்து வாழ்த்தினாா்.
6-வது சுற்றில் புள்ளிகள் பட்டியலில், காா்ல்சன், அமெரிக்காவின் பேபியானோ கருனா ஆகியோா் தலா 9.5 புள்ளிகளுடன் முறையே முதலிரு இடங்களில் நீடிக்கின்றனா். குகேஷ் 8.5 புள்ளிகளுடன் 3-வது இடத்துக்கு முன்னேற, அமெரிக்காவிந் ஹிகாரு நகமுரா, இந்தியாவின் அா்ஜுன் எரிகைசி ஆகியோா் தலா 7.5 புள்ளிகளுடன் முறையே 4 மற்றும் 5-ம் இடங்களில் இருக்கின்றனா். சீனாவின் வெய் யி 6.5 புள்ளிகளுடன் கடைசி இடத்தில் உள்ளாா்.
