லக்சாய சென் முதல் சுற்றுடன் வெளியேற்றம்
நிங்போ
சீனாவின் நிங்போ நகரில் ஆசிய பாட்மிண்டன் சாம்பியன்ஷிப் போட்டி நடைபெற்று வருகிறது. இதன் மளிர் ஒற்றையர் பிரிவு முதல் சுற்றில் உலகத் தரவரிசையில் 17-வது இடத்தில் உள்ள இந்தியாவின் பி.சிந்து, 36-வது இடத்தில் உள்ள இந்தோனேஷியாவின் நுர்மி திரி வார்டோயோவை எதிர்த்து விளையாடினார். 44 நிமிடங்கள் நடைபெற்ற இந்த ஆட்டத்தில் ஒலிம்பிக்கில் இருமுறை பதக்கம் வென்ற சிந்து 21-15, 21-19 என்ற நேர் செட் கணக்கில் வெற்றி பெற்று 2-வது சுற்றுக்கு முன்னேறினார்.
ஆடவர் ஒற்றையர் பிரிவு முதல் சுற்றில் இந்தியாவின் லக்சயா சென், 14-ம் நிலை வீரரான சீன தைபேவின் ஷியா ஹாவோவை எதிர்கொண்டார். இதில் லக்சயா சென் 18-21, 10-21 என்ற நேர் செட் கணக்கில் தோல்வி அடைந்து தொடரில் இருந்து வெளியேறினார்.