ஆம்ஸ்டெல்வீன்
சர்வதேச ஹாக்கி கூட்டமைப்பு சார்பில் நடத்தப்படும் புரோ லீக் தொடரில் இந்திய அணி நேற்று ஒலிம்பிக் சாம்பியனான நெதர்லாந்துடன் மோதியது. நெதர்லாந்தின் ஆம்ஸ்டெல்வீன் நகரில் நடைபெற்ற இந்த ஆட்டத்தில் இந்திய அணி 2-3 என்ற கோல் கணக்கில் தோல்வி அடைந்தது.
இந்திய அணி தரப்பில் 20-வது நிமிடத்தில் ஜுக்ராஜ் சிங்கும், 54-வது நிமிடத்தில் அபிஷேக்கும் கோல் அடித்தனர். நெதர்லாந்து அணி சார்பில் ஜான்சன் ஜிப் 57-வது நிமிடத்திலும், திஜ்ஸ் வான் டேம் 24-வது நிமிடத்திலும், டிஜெப் ஹோடெமேக்கர்ஸ் 33-வது நிமிடத்திலும் தலா ஒரு கோல் அடித்தனர்.
கடந்த சனிக்கிழமை நடைபெற்ற ஆட்டத்திலும் இந்திய அணி 1-2 என்ற கோல் கணக்கில் நெதர்லாந்திடம் வீழ்ந்திருந்தது. இந்திய அணி தனது ஆட்டத்தில் நாளை (ஜூன் 11) அர்ஜெண்டினாவுடன் மோதுகிறது.
